Национално Биро за осигурување

Националното биро за осигурување беше основано во Скопје со Договор склучен во 1993 г., од страна на друштвата за осигурување во Република Македонија , А.Д. за осигурување и реосигурување “ Македонија “ (сегашно “ QBE Македонија “) и А.Д. за осигурување “ ВАРДАР “.

Националното биро за осигурување беше примено во Советот на Бироата со седиште во Лондон во мај 1994 г. со што стана полноправна членка на Советот на Бироата и се стекна со право да издава македонски меѓународно признати зелени карти. Така, Националното биро за осигурување стана составен дел на единствениот европски Систем за зелена карта.
Националното биро за осигурување е непрофитна организација. Според Законот за задолжително осигурување на Република Македонија, Националното биро за осигурување ги врши работите предвидени со меѓународните спогодби за осигурување на сопствениците и корисниците на моторни возила од одговорност во сообраќајот, и на тој начин ги претставува друштвата за осигурување од Република Македонија во меѓународните организации и институции за осигурување.

Во Националното биро за осигурување членуваат девет осигурителни друштва и тие се овластени од страна на Бирото да издаваат зелени карти.

Управни органи на Националното биро за осигурување се Директор на Бирото, Управен одбор и Собрание на Бирото.

Адреса: Митрополит Гологанов бр. 28/4, 1000 Скопје, Македонија, П.ФАХ 27

Тел: (+389 2) 3136 172

Факс: администрација: (+389 2) 3132 214 лок.115; за штети: (+389 2) 3132 214 лок.113